情境題1 喺心儀對象面前要型，但見Cmaj9唔識，如何簡化唔識彈的GuitarChord？ a)彈Cadd9 b)彈C c)彈Cmaj7 d)叫佢比時間你google 情境題2 同朋友輕鬆jam歌，見到G#dim7醒唔起，如何簡化唔識彈的GuitarChord？ a)彈G b)彈E7 c)彈G# d)mute線照比節奏 情境題3 練習時見到Bm7-5, 如何簡化唔識彈的GuitarChord？ a)彈Bm b)彈Bm7 c)彈Dm d)Google下先 Chord嘅概念：其實chord係一堆音一齊響，而chord名就來自於音與音之間嘅音程(Interval)，所以明白左interval就有助拆解chord嘅結構。 例：note D>F , note D>F# 兩個情況都係3度(3rd), 但 D>F 我地會計佢為 小3度 (minor 3rd)；D>F# 則計佢為 大3度 (major 3rd) ,原因係 D>F 只有3個semi-tone嘅差距，而 D>F# 則有4個semi-tone差距，就因為呢個小小嘅差距令佢地出黎嘅聲音有大大嘅唔同，major 會偏向積極、開朗嘅感覺；minor 會偏向陰沉、悲傷嘅感覺。 第一個情況： 其實你用三個chord, 個聲都唔會撞，因為本身Cmaj9有C,E,G,B,D (1,3,5,7,9)。而Cadd9有C,E,G,D (1,3,5,9)、C有C,E,G (1,3,5)、Cmaj7有C,E,G,B (1,3,5,7)。所以三個選擇都可以應付，但只係缺少左Cmaj9嘅味道，如果呢刻你選擇google一下，人地等得你黎都唔想聽了，想練番好個chord不如等自己嘅時候再搵番好佢啦。 第二個情況： G#dim7 (G#diminished7th) 有G#,B,D,F (1,b3,b5,bb7)。G有G,B,D